Өнөөдөр дэлхий нийтээр “Дэлхийн усны өдөр”-ийг тэмдэглэдэг уламжлалтай бөгөөд энэ жил “Цэнгэг ус – Тэгш хүртээмж” уриан дор тэмдэглэж байна.
Манай компани “Дэлхийн усны өдөр”-ийг Цогтцэций сумын Т.Борын нэрэмжит ЕББДС-ын Эко клуб, сумын ЗДТГ-тай хамтран зохион байгууллаа. Өдөрлөгийн хүрээнд “Улаан нуур”-ын орчмын хог хаягдлыг цэвэрлэж, Эко клубийн сурагчдын дунд тэмцээн уралдаан зохион байгуулан, уурхайн үйл ажиллагаатай танилцууллаа.
Мөн Эко клубийн сурагчдад Усны эхийг хэрхэн хамгаалах, “Усны савны хэрэглээ”, “Ус-Эрүүл мэнд” зөвлөмж, сургалт зохион байгууллаа.
