card

ГҮЙЦЭТГЭХ ЗАХИРЛЫН МЭНДЧИЛГЭЭ

"Тавантолгой" ХК-ийн Гүйцэтгэх захирлын үүрэг гүйцэтгэгч Ч.Гүнждагва

         Монгол Улсын эдийн засгийн суурь, хөгжлийн үндэс, говь нутгийн хөгжлийг түүчээлэгч, үе үеийн уурхайчид, салбарын нийт хамт олон, хувьцаа эзэмшигч та бүхэндээ Тэртээ 1922 оны 12 дугаар сарын 25-нд Монгол Улс эх орныхоо газрын хэвлийд байгаа баялгаа нийт ард түмний өмч гэж зарлан тунхаглаж “Монголын уурхайчдын өдөр” болгон шийдвэрлэсэн энэхүү салбарын түүхт 100 жилийн ойн мэндийг дэвшүүлье.

         Говь нутгийн төдийгүй улс орны хэмжээнд энэ цагийн бахархал болж буй уул, уурхайг цогцлоон байгуулж, өнөөдрийн энэ түүхэн амжилтыг бүтээх хүртэл 58 жилийн амаргүй цаг хугацаа болох төвлөрсөн төлөвлөгөөт бүтээн байгуулалтын он жилүүд, зах зээлийн хямралын үе, нийтийг хамарсан /Ковид-19/ цар тахлын улмаас хөл хорио тогтоосон үе,   уул уурхайн салбарын оргил манлайллын үе зэргийг туулж өнгөрүүлэхдээ Монгол хүний саруул ухаан, алсын хараагаар төлөвлөж, үйл ажиллагаагаа тасалдуулалгүй ажиллаж ирсэн нь үе үеийн уурхайчид та бүхний бахархал билээ.

                  “Тавантолгой”ХК нь төрийн бодлого, хууль эрх зүйн хэрэгжилтийг хангаж, хамтран ажиллагч аж ахуйн нэгж, байгууллагуудад компанийн үйлчилгээг хүнд сурталгүй, хөнгөн шуурхай үзүүлэх, ил тод, хариуцлагатай, уул уурхайг хөгжүүлэхэд онцгой анхаарч технологийн оновчтой шийдэл, менежментийн зөв арга барилаар үйл ажиллагаагаа улам боловсронгуй, нээлттэй болгож, экспортыг нэмэгдүүлэх, нийт хувьцаа эзэмшигчдийн эрх ашгийг хүндэтгэн хамгаалж ажиллахын зэрэгцээ, байгууллагын үнэт зүйл болсон ажилтнууд Та бүхний нийгмийн асуудалд онцгойлон анхаарч эрүүл, таатай орчинд ажиллаж, амьдрах хөдөлмөрийн бүтээмжид тулгуурласан цалин хөлсний жишигт хүргэн ажиллах болно.

                 Монгол Улсын эдийн засгийн тэргүүлэх салбарын гол хөдөлгөгч хүчин болсон та бүхэндээ тэр дундаа оны хөдөлмөр зүтгэлээрээ шалгарсан шилдгүүддээ дахин баяр хүргэж ажлын амжилт хүсье.

Монгол Улсын уул, уурхайн салбар цаг үеийн олон хүнд шалгуурыг та бид хамтдаа 100 жилийн түүхэн улбаагаараа цаг үеийн хямрал, зах зээлийн хүндрэлийг ажралгүй гэтлэн, тасралтгүй өөдлөн дэвжиж, урагшлан хөгжинө гэдэгт итгэлтэй байна.

Сайн үйлс бүхэн дэлгэрэх болтугай.